Semblable au Dur Rocher est cette Roche Humaine

Semblable au dur rocher est cette roche humaine :

Son front et mon vouloir s'eslevent dans les
Cieux ;

Sa musique et mes vers sont cris ambitieux ;

Son fueillage est son fruict, mon fruict 1 attente vaine :

D'escueils il est couvert ; je suy couvert de peine ;

Il verse des ruisseaux, et des ruisseaux mes yeux ;

Je souffre de sanglos, luy de vens furieux ;

Son cœur est plain de froit, d'effroy mon
Ame est

[plaine.

L'un a ferme son pied, l'aultre a ferme sa foy ;

L'un impose aux lieux bas, l'aultre aux esbas sa loy;

L'un viene aimé de
Diane et l'aultre de
Cythere :

Semblable à ce rocher je vois ouvrir le jour

Je vois fermer la nuict, et durer ma misère ;

De luy se paist l'Aspic, de moy se paist l'Amour !