Amour eventes-tu les beautez de ma dame,
Afin de modérer les fiâmes de ses yeux ?
Ou bien est-ce plustost pour alumer les feux,
Qu'avecque ses regards elle darde en mon ame.
Un petit vent si douls et si delicieus
Ne peut pas afoiblir la vigueur de sa flame,
Et je suis tant épris de ce feu qui m'enflame,
Qu'il n'y a pas moyen que tu l'alumes mieus.
Si c'est pour esviter ceste chaleur extresme,
Ne brusle-elle pas tout sans se brusler soy-mesme ?
Quoy donc c'est evantail me fera il juger
Que nature la fit de venteuse nature,
Ou comme l'animal qui ne se paist que d'er,
Qu'elle en désire aussi tirer sa nourriture ?
Poème publié et mis à jour le: 15 November 2012