Poèmes

Sonnet Li

par Pierre de Ronsard

Dedans des
Prez je vis une
Dryade,

Qui comme fleur s'assisoyt par les fleurs,
Et mignotoyt un chappeau de couleurs,
Echevelée en simple verdugade.

Des ce jour là ma raison fut malade,

Mon cuœur pensif, mes yeulx chargez de pleurs
Moy triste et lent : tel amas de douleurs
En ma franchise imprima son œillade.

Là je senty dedans mes yeulx voiler
Une doulx venin, qui se vint escouler
Au fond de l'ame : & depuis cest oultrage,

Comme un beau lis, au moys de
Juin blessé
D'un ray trop chault, languist à chef baissé,
Je me consume au plus verd de mon âge.



Poème publié et mis à jour le: 15 novembre 2012

Lettre d'Informations

Abonnez-vous à notre lettre d'information mensuelle pour être tenu au courant de l'actualité de Poemes.co chaque début de mois.

Nous Suivre sur

Retour au Top