Nuict ennuyeuse, et toy piquante plume :
Tout lia mal-faict, souspirs dont l'air s'emplit
Songes divers (dont un seul s'accomplit,
Qui peint le cœur de ma dame en enclume)
Dormir, qui prens du veiller la coustume :
Dix mille tours, jusqu'au jour, faictz au lict :
Forte mémoire, où s'engrave, et se list
La beauté d'elle, et de moy l'amertume :
Saillir sur pieds, en chambre se lasser,
Cent fois escrire, et cent fois effacer :
Rentrer au lict, y figurer la belle :
Bras estendus, pour l'embrasser (en vain)
Linge baisé, qu'avoit ployé sa main,
Si j'ayme, ou non, tesmoings je vous appelle.
Poème publié et mis à jour le: 13 November 2012