Paix je ne trouve, et n'ay dont faire guerre :
J'espère et crain, je brulle, et si suis glace :
Je vole au
Ciel, et gis en basse place :
J'embrasse tout, et rien je ne tien serre.
Tel me tient clos, qui ne m'ouvre n'enserre,
De moy n'a cure, et me tourne la face :
Vif ne me veut, et l'ennuy ne m'efface
Et ne m'occit
Amour ny ne desserre.
Je voy sans yeux, sans langue vais criant :
Périr désire, et d'ayde j'ay envie :
Je hay moymesme, autruy j'aime et caresse :
De deuil me pais, je lamente en riant :
Egalement me plaisent mort et vie :
En cest estât suis pour vous ma maistresse.
Poème publié et mis à jour le: 14 November 2012