O doux plaisir plein de doux pensement,
Quand la douceur de la douce meslee, Étreint et joint, l'ame en l'ame meslee,
Le corps au corps accouplé doucement.
O douce vie !
O doux trepassement !
Mon ame alors de grand' joye troublée,
De moy dans toy cherche d'aller emblée,
Puis haut, puis bas, quiert son ravissement.
Quand nous ardants,
Meline, d'amour forte,
Moy d'estre en toy, toy d'en toy tout me prendre,
Par cela mien, qui dans toy entre plus,
Tu la reçois, me laissant masse morte :
Puis vient ta bouche en ma bouche la rendre,
Me ranimant tous mes membres perclus.
Poème publié et mis à jour le: 14 November 2012