Balade a Responses, Christine de Pisan
Poèmes

Balade a Responses

par Christine de Pisan

Mon doulz ami.
Ma chiere dame.

S'acoute a moy.
Trés volentiers,

M'aimes tu bien?
Ouïl, par m'ame.

Si fais je toy.
C'est doulz mestiers.

De quoy?
D'amer.
Voire, sanz tiers.

Deux cuers en un.
Sanz decepvoir

Voire aux loiaulz.
Tu as dit voir.

Dame sanz per.
Amis sanz blasme.

Quant vous verray?
T'est il mestiers?

Oïl; tost soit.
Je crain diffame.

Qui le saroit?
Les nouveliers.

Occions les!
Ilz sont trop fiers.

Nuisent ilz doncques?
Ouïl voir.

Voire aux loiaulz.
Tu as dit voir.

Las! que feray?
Sueffre la flamme.

De qui?
D'amours.
Voire, et dongiers

Elle m'art tout.
Et moy entame.

Que ferons nous?
Soyons entiers.

Sanz reconfort.
Nannil, mestiers

A aux amans.
Quoy?
Bon espoir.

Voire aux loiaulz.
Tu as dit voir.

Dame ottroiez.
Ami, requiers

Que vous voie.
Quier les sentiers.

Peine y mettray.
C'est le devoir.

Voire aux loiaulx.
Tu as dit voir.



Poème publié et mis à jour le: 12 juillet 2017

Lettre d'Informations

Abonnez-vous à notre lettre d'information mensuelle pour être tenu au courant de l'actualité de Poemes.co chaque début de mois.

Nous Suivre sur

Retour au Top