Voyez Comment Amours Amans Ordonne!, Christine de Pisan
Poèmes

Voyez Comment Amours Amans Ordonne!

par Christine de Pisan

Amour

Quant
Lehander passoit la mer salée,

Non pas en nef, ne en batel a nage,

Mais tout a nou, par nuit, en recellée,

Entreprenoit le perilleux passage

Pour la belle
Hero au cler visage,

Qui demouroit ou chastel d'Abidonne,

De l'autre part, assez près du rivage;

Voyez comment amours amans ordonne!

Ce braz de mer, que l'en clamoit
Hellée,

Passoit souvent le ber de hault parage

Pour sa dame veoir, et que cellée

Fust celle amour ou son cuer fu en gage.

Mais
Fortune qui a fait maint oultrage,

Et a mains bons assez de meschiefs donne,

Fist en la mer trop tempesteux orage.

Voiés comment amours amans ordonne!

En celle mer, qui fu parfonde et lée,

Fu
Lehander peri, ce fu domage;

Dont la belle fu si fort adoulée

Qu'en mer sailli sanz querir avantage.

Ainsi pery furent d'un seul courage.

Mirez vous cy, sanz que je plus sermone,

Tous amoureux pris d'amoureuse rage.

Voyez comment amours amans ordonne!

Mais je me doubt que perdu soit l'usage

D'ainsi amer a trestoute personne;

Mais grant amour fait un fol du plus sage.

Voyez comment amours amans ordonne!



Poème publié et mis à jour le: 02 dcembre 2012

Lettre d'Informations

Abonnez-vous à notre lettre d'information mensuelle pour être tenu au courant de l'actualité de Poemes.co chaque début de mois.

Nous Suivre sur

Retour au Top