Poèmes

Je Vous Laisse mon Cuer en Gage

par Christine de Pisan

Doulce dame, a
Dieu vous command,

Aler m'en fault, dont il me poise,

Cent fois a vous me recommand,

Et vous suppli, doulce et courtoise,

Ne m'oubliez ou que je voise;

Et pour retour de ce voiage,

Je vous laisse mon cuer en gage.

Amis, vostre departement

Petitement mon cuer renvoise,

Et se m'oubliez nullement,

Il ne sera nul qui racoise

Mon dolent plour.
A basse noise

Vous di a
Dieu, et pour partage,

Je vous laisse mon cuer en gage.

Belle, sachiez certainement

Que, pour dame ne pour bourgoise,

Ne vous oublieray vraiement;

D'autre amour ne donne une boise,

Tost revendray comment qu'il voise,

Et de vous renvoier message,

Je vous laisse mon cuer en gage.



Poème publié et mis à jour le: 12 July 2017

Lettre d'Informations

Abonnez-vous à notre lettre d'information mensuelle pour être tenu au courant de l'actualité de Poemes.co chaque début de mois.

Nous Suivre sur

Retour au Top