Je Suis Joyeux, et Je le Doy Bien Estre - Rondeaux

Je suis joyeux, et je le doy bien estre,

D'avoir ouÿ si trés doulce nouvelle

Que ma dame son doulz ami m'appelle;

Or n'est de moy ou monde plus grant maistre.

Ne me pourroit chose venir senestre

Puis qu'elle dit que je suis amé d'elle,

Je suis joyeux, et je le doy bien estre.

Et quant je suis en paradis terrestre

Et hors d'enfer, pour la doulçour de celle

Que chascun tient des dames la plus belle,

Et je regard son maintien et son estre,

Je suis joyeux, et je le doy bien estre.