Elegie sur le Tombeau de Hugues Salel - Élégie

Je suis celle, passant, qui d'un traict de mes yeux
Captive de
Magny tout le pis et le mieux;
Je suis celle, passant, qui sur sa face essuyé
De ses pleurs désolez la désastreuse pluye.
Je t'annonce, passant, qu'en ce cercueil icy
Gist le docte
Salel, qui naquit en
Quercy,
Auquel les doctes
Sœurs ont acquis une vie
Qui le temps moissonneur et la
Parque deffie;
Et que, tant que le ciel toumoyera sur nous.
Tant que le fiel amer et le miel sera doulx,
Et que ces ruysselets gazoillans en leur source
Courront parmy ces prez de serpentine course.
Et tant que dessus nous luyra le grand flambeau,
Tousjours je demourray, passant, sur ce tombeau,
Pour la face essuyer de celluy qui m'a faicte
Par mille et mille vers durablement parfaicte.
Et tousjours annonçant qu'en ce cercueil icy
Gist le docte
Salel, qui naquit en
Quercy.