Bien heureux soit le jour, le moys, l'année,
Et la saison, le temps, le point, & l'heure,
Le beau pays, le lieu, et la demeure,
Ou deux beaulx yeulx m'ont l'attainte donnée.
Et bien heureuse est ma peine ordonnée
Par le désir d'une joye malseure,
Bien heureux soit l'arc, les trectz, la blesseure,
Et bien heureuse en soit ma destinée.
Bien heureux soient tous les pensers & dictz,
Souspirs, désirs, & larmes amoureuses,
Qu'oncques au nom de ma dame rendis.
Et soient encore les cartes bien heureuses,
Ou luy acquiers renom, & ma pensée,
Qui d'elle seule ha peu estre blessée.
Poème publié et mis à jour le: 12 July 2017