A Il Doncques tel Guerredon?, Christine de Pisan
Poèmes

A Il Doncques tel Guerredon?

par Christine de Pisan

Amours!
Amours! ce m'as tu fait,

Qui m'as mis en si dur parti.

Se ne te feis je oncques meffait,

Et si ay tant de maulx parti

Largement m'en as departi;

Et qui te fait de son cuer don,

A il doncques tel guerredon?

Ton soulas est bien contrefait,

Il s'est de moy tost departi,

Contre le bien mal me reffait;

En grant doulour s'est converti,

Tu m'occis sanz dire «gar t'y!»

Va il ainsi qui te sert don,

A il doncques tel guerredon?

Et pour quoy, ne pour quel tort fait,

M'as tu un tel ami sorti,

Qui ma vie et mes jours deffait?

Car par lui suis en tel parti

Que tout mon sens est amorti.

Qui tu esprens de ton brandon,

A il doncques tel guerredon?



Poème publié et mis à jour le: 12 juillet 2017

Lettre d'Informations

Abonnez-vous à notre lettre d'information mensuelle pour être tenu au courant de l'actualité de Poemes.co chaque début de mois.

Nous Suivre sur

Retour au Top